ஸ்ரீ தேவாத்மானந்தா ஷம்பலா, மெய்ஞானம் அடைந்த ஆன்மிகக் குரு ஆவார். அவர் தற்போது ரிஷிகளின் இறைப்பணியில் ஈடுபட்டுள்ளார். ஆன்மிக தேடல் உள்ள உண்மையான சாதகர்களுக்கு ஆன்ம ஞானத்தையும், தியானம் மற்றும் நேர்மயமாக்குதல் நுட்பங்களையும் அளித்துச் சப்தரிஷிகள் மற்றும் சித்தர்களின் தெய்வீக பாதையில் வழிநடத்துகிறார்.

சப்தரிஷிகள் மற்றும் சித்தர்களின் அழைப்பை ஏற்று 2014ம் ஆண்டுப் பிரம்மரிஷிஸ் ஹெர்மிடேஜ் அமைப்பை ஸ்ரீ தேவாத்மானந்தா ஷம்பலா நிறுவினார். அவர் உயரிய தியான பயிற்சிகள், கிரியைகள், யோகாசனங்கள், நேர்மயமாக்கலுக்கான வழிமுறைகள் மற்றும் பல்வேறு ஆன்மிக நுட்பங்களைத் தன்னை நாடி வரும் அனைவரின் முழுமையான நல்வாழ்விற்காகவும், அவர்களைக் குணப்படுத்தவும் வழங்கி வருகிறார்.

தேவாத்மானந்தா ஷம்பலா அவர்கள், உண்மையான ஆன்மிகத் தேடல் உள்ளவர்களுக்கு, தீட்சையும், ஆன்மிக வழிகாட்டுதலையும் வழங்குகிறார். அவர், சாதகர்களின் ஆன்மிக வளர்ச்சி மற்றும் தன்மாற்றத்தை ஏதுவாக்க வாராந்திர வகுப்புகளையும், அவ்வப்பொழுது ஆன்மிகச் சத்சங்கங்களையும் நடத்தி வருகிறார்.

தேவாத்மானந்தா ஷம்பலா அவர்களின் போதனைகளும், நுட்ப முறைகளும் எளிமையாகத் தோன்றினாலும் மிகவும் சக்திவாய்ந்தவை; ஆழ்ந்த ஞானம் நிறைந்தவை. அவை, அனைத்து நிலையில் உள்ள மக்களும் தன்மாற்றம் அடையவும், நேர்மயமாகவும், தங்கள் ஆன்மிகத் தேடலில் உயரிய நிலையை அடையவும் உதவுகின்றன. அவரது போதனைகள் முக்கியமாக, ஆன்மிகச் சாதகர்கள் எவ்வித எதிர்பார்ப்பு மற்ற அன்பை வெளிப்படுத்தவும், வாழ்க்கையில் உள்ள சவால்களை எதிர்கொள்ளவும், பணிவுடன் ஐக்கியநிலையில் இருக்கவும், தன்மாற்றம் அடையவும், இறைவனிடம் முழுமையாகச் சரணாகதி அடையவும் உதவுகிறது.

தேவாத்மானந்தா ஷம்பலாவைப் பின்பற்றுபவர்களும், அவரை அறிந்தவர்களும், அவரை ஒரு நல்ல நண்பராகவும், அன்பே உருவானவராகவும், கருணையுள்ளம் கொண்டவராகவும், பணிவுடையவராகவும் விவரிப்பார்கள். உலகின் எந்த மூலையிலிருந்தும், யார் வேண்டுமானாலும் கடைப்பிடிக்கக்கூடிய வாழ்க்கை முறையே ஆன்மிகம் என்பதை எடுத்துரைக்கும் தெய்வீகத்தின் திருவுருவம் அவராவார். அவரது இந்த வாக்கிற்கு, நம் கண்முன்னே ஒரு சாதாரணக் குடும்பஸ்தராக இருந்து மெய்ஞானமடைந்த அவரது வாழ்வே சான்றாகும்.

இவ்வகிலம் மற்றும் மனிதக்குலத்தின் நலனுக்காகவும், இவ்வகிலத்தின் விழிப்புணர்வில் நல்லதொரு மாற்றத்தைக் கொண்டு வரவும், பகவான் கல்கி மற்றும் சப்தரிஷிகள் உருவாக்கி வழிநடத்தும் பல தெய்வீக திட்டங்களைத் தேவாத்மானந்தா ஷம்பலா நிர்வகித்துச் செயல்படுத்துகிறார். கிடைத்தற்கரிய, விஷேசமான ஆற்றல்களை உலகின் பல்வேறு பகுதிகளில் ஸ்தாபித்தல், சூக்ஷ்ம தளத்தில் பல பணிகளை மேற்கொள்ளுதல் என அவர் ஆற்றும் பல்வேறு மகத்தான பணிகள் அனைத்தும், அவர் தனது வாழ்க்கை இலட்சியமாக எண்ணும் ரிஷிகளின் பணிகளே ஆகும்.