ഒരു പ്രത്യേക ആത്മീയ ഉദ്ദേശ്യത്തെ ലക്ഷ്യമാക്കിക്കൊണ്ടുള്ള സംക്ഷിപ്തമായ നടപടിക്രമങ്ങളെയാണ് ആദ്ധ്യാത്മിക വിദ്യകൾ എന്നതുകൊണ്ട് അർത്ഥമാക്കുന്നത്. എപ്രകാരം ശാസ്ത്രജ്ഞന്മാർ പരീക്ഷണങ്ങൾ നടത്തിക്കൊണ്ട് ഒരു സാങ്കേതിക തത്ത്വത്തിൽ എത്തിച്ചേരുന്നുവോ, അപ്രകാരം, ഗാഢമായ തപസ്സിൽ, ആദ്ധ്യാത്മിക വൈജ്ഞാനികന്മാരായ ഋഷിവര്യന്മാർ, വിശ്വത്തിന്‍റെ ആദ്ധ്യാത്മിക ഉന്നമനത്തിനുവേണ്ടി ഈ വിദ്യകൾ പരീക്ഷിക്കുകയും വികസിപ്പിച്ചെടുക്കുകയും ചെയ്യുന്നു. ഓരോ വിദ്യയുടെ പിന്നിലും ഋഷിവര്യന്മാരുടെ ഉജ്ജ്വല പ്രതിഭയും അനുകമ്പയും കാണപ്പെടുന്നു.

ഈ വിദ്യകൾ ലളിതമായി തോന്നാമെങ്കിലും, സ്ഥിരമായ അഭ്യാസത്തിലൂടെ ഇത് ദ്രുതഫലങ്ങളും സഫലീകരണവും കൊണ്ടുവരുന്നതായിട്ട് നമ്മൾ വേഗത്തിൽ തിരിച്ചറിയും. വിദ്യകൾ ഒരു വ്യക്തിയുടെ ആദ്ധ്യാത്മിക പുരോഗതിയിൽ ഒരു വലിയ മുന്നേറ്റം ഉണ്ടാക്കിയെടുക്കുന്നു.

വിദ്യകൾ ഒരു സാധകന് അനുഗ്രഹങ്ങൾ ആകുന്നു.