त्यांच्या अध्यात्मिक शोधाची सुरूवात त्यांच्या वयाच्या ७व्या वर्षीच झाली, जेव्हा त्यांच्या आईने त्यांना भक्त मार्कंडेय व त्यांची भगवान शिवांबद्दलची अविचल भक्ती, त्यानंतर त्यांना अमरत्व मिळवण्यात व ब्रम्हॠषी बनण्यात कशी मदत केली हे सांगितले.त्यांच्या आईने सांगितलेल्या भक्त मार्कंडेय यांच्या वृत्ताचा देवात्मानंद शंबला यांच्या मनावर खोलवर परिणाम झाला.मार्कंडेयांवर गहन विचार करून त्यांच्या अध्यात्मिक प्रवासाची सुरूवात झाली.देवात्मानंद शंबला यांच्या आई हाच त्यांचा प्रेरणा आणि प्रोत्साहनाचा खरा स्त्रोत होता कारण त्यांनी देवात्मानंद शंबला यांना सर्व अध्यात्मिक कार्यात सामील करून घेतलं होतं. दिवसेंदिवस त्यांचा देव आणि ऋषी यांच्याबद्दलचा उत्साह वाढत गेला.

जरी त्यांनी आयटी क्षेत्रातील करिअर , आनंदी व समाधानी कुटुंबासह सामान्य जीवनाचा अंगीकार केला असला तरी, त्याचबरोबर त्यांचा अध्यात्म्याचा पाठपुरावा आणि परमात्म्याशी असलेला संबंध वेळोवेळी वाढतच गेला.

वयाच्या २६ व्या वर्षी त्यांना वेथाथिरी महर्षीं जे स्वतः एक महान सिद्ध आणि गूढ गुरू होते,त्यांनी कुंडलिनी योगाची दिक्षा दिली. वेथाथिरी महर्षींनी सूक्ष्म देहानी त्यांना कर्मयोग शिकवला.वेथाथिरी महर्षींच्या महासमाधीनंतर, महावतार बाबाजींच्या आशीर्वादाने, २००७ च्या नोव्हेंबर मध्ये ते गुरूजी कृष्णानंद जे एक महान गुरू आणि सप्तॠषी होते, यांच्या संपर्कात आले आणि त्यांना ध्यान योगाची दिक्षा मिळाली.गुरूजी कृष्णानंद यांच्यामुळे त्यांना सप्तॠषी, विश्वामित्र महर्षि,महर्षि अमरा आणि इतर महत्वाचे ऋषी ज्ञात झाले. त्यांनी उच्च स्तरावरील दिक्षा,सूक्ष्मलोक आणि भौतिक क्षेत्राच्या पलिकडे असलेल्या इतर मितींबद्दल सुद्धा माहिती करून घेतली.

३ फेब्रुवारी २०११ ला गुरूजी कृष्णानंद आणि त्यांचे सूक्ष्म स्तरावरील गुरू महर्षि अमरा यांच्याकडून ऋषित्वाच्या पहिल्या स्तरावरील दिक्षा देण्यात आली आणि तेव्हापासून सूक्ष्म जगातील ऋषींचे कार्य पूर्ण करण्याचा त्यांचा प्रवास सुरू झाला.

त्यांचे गुरू, गुरुजी कृष्णानंद यांच्या समाधी नंतर, त्यांनी त्यांचा ' माहिती व तंत्रज्ञान ' या विषयाचा व्यवसाय बंद केला आणि आपले जीवन ऋषीं व ऋषींच्या कार्याला समर्पित केले. तेंव्हापासून त्यांना भोगनादर सिद्धर, भारद्वाज महर्षी आणि वसिष्ठ महर्षी ह्यांनी सूक्ष्मपणे शिक्षण व मार्गदर्शन दिले.