ಮಾಯೆ
◘ಮಾಯೆ ಎಂಬುದು ಇಡೀ ಸೃಷ್ಟಿಯಲ್ಲಿ ವ್ಯಾಪಿಸಿರುವ ವಸ್ತು ಅಥವಾ ದ್ರವ್ಯ.
◘ಆತ್ಮವು ಮನಸ್ಸನ್ನು ಸಾಧನವಾಗಿ ಬಳಸಿಕೊಂಡು ಮಾಯೆಯ ಮೂಲಕ ನೋಡಿದಾಗ, ಜಗತ್ತು ಪ್ರಕ್ಷೇಪಿಸುತ್ತದೆ ಮತ್ತು ಕಾಣುತ್ತದೆ. ಪ್ರೊಜೆಕ್ಟರ್ ಮೂಲಕ ಹೇಗೆ ಚಲನಚಿತ್ರವನ್ನು ಪರದೆಯ ಮೇಲೆ ಪ್ರದರ್ಶಿಸಲಾಗುತ್ತದೆಯೋ ಹಾಗೆಯೇ ಮನಸ್ಸನ್ನು ಬಳಸಿಕೊಂಡು ಜಗತ್ತನ್ನು ನಮಗೆ ಪ್ರಕ್ಷೇಪಿಸಲಾಗುತ್ತದೆ.
◘ಮಾಯೆ ಮುಸುಕಿನಂತೆ ಕಾರ್ಯನಿರ್ವಹಿಸುತ್ತದೆ ಮತ್ತು ಬೆಳಕಿನ ಆಧಾರವಾಗಿರುವ ವಾಸ್ತವವನ್ನು ಮರೆಮಾಡುತ್ತದೆ.
◘ಸೃಷ್ಟಿಯಲ್ಲಿ ವೈವಿಧ್ಯತೆಯನ್ನು ಉಂಟುಮಾಡುವುದು ಮಾಯೆಯ ಉದ್ದೇಶ. ಆದ್ದರಿಂದ ಇದು ಇಲ್ಲದೆ ಎಲ್ಲಾ ಬೆಳಕಾಗಿ ಗೋಚರಿಸುತ್ತದೆ ಮತ್ತು ಯಾವುದೇ ವೈವಿಧ್ಯತೆ ಸಾಧ್ಯವಿಲ್ಲ.
◘ಮಾಯೆ ಅಥವಾ ಪ್ರಪಂಚವು ಗ್ರಹಿಸಿದ ವಾಸ್ತವ ಮತ್ತು ಸಮಯಕ್ಕೆ ಬದ್ಧವಾಗಿದೆ, ಆದರೆ ಬೆಳಕು ಸಂಪೂರ್ಣ ವಾಸ್ತವ ಮತ್ತು ಸಮಯರಹಿತವಾಗಿರುತ್ತದೆ.
◘ಮಾಯೆ ಸೃಷ್ಟಿ, ಪೋಷಣೆ ಮತ್ತು ವಿನಾಶದ ಮೂಲಕ ಬದಲಾವಣೆಗೆ ಒಳಗಾಗುತ್ತದೆ, ಆದರೆ ಬೆಳಕು ಶಾಶ್ವತ ಮತ್ತು ಬದಲಾಗದ ವಾಸ್ತವ.
◘ಸ್ವಯಂ-ಸಾಕ್ಷಾತ್ಕಾರಕ್ಕೆ ಮೊದಲು, ಮಾಯೆ ಮಾತ್ರ ಕಂಡುಬರುತ್ತದೆ ಮತ್ತು ಬೆಳಕು ಕಾಲ್ಪನಿಕ ಎಂದು ಅನಿಸುತ್ತದೆ. ಒಮ್ಮೆ ಸಾಕ್ಷಾತ್ಕಾರ ಆದಾಗ ಮತ್ತು ಬೆಳಕನ್ನು ನೋಡಿದಾಗ, ಮಾಯೆ ಕಾಲ್ಪನಿಕವಾಗಿ ಬಿಡುತ್ತದೆ. ಆದ್ದರಿಂದ ಸಾಕ್ಷಾತ್ಕಾರ ಪಡೆದಂತವರು ಮಾಯೆಯು ಒಂದು ಭ್ರಮೆ ಎಂದು ಕರೆಯುತ್ತಾರೆ.
ಗುಣಗಳು
◘ಗುಣಗಳು ಅಥವಾ ತ್ರಿಗುಣಗಳು, ಮಾಯೆಯ ಮೂರು ವಿಭಿನ್ನ ಗುಣಗಳನ್ನು ಒಳಗೊಂಡಿದೆ. ಅವುಗಳನ್ನು ಸತ್ವ - ರಜಸ - ತಮಸ ಎಂದು ಕರೆಯಲಾಗುತ್ತದೆ
◘ಈ ಮೂರು ಗುಣಗಳು ಪ್ರತಿಯೊಬ್ಬರಲ್ಲೂ ಮತ್ತು ಇಡೀ ಸೃಷ್ಟಿಯ ಎಲ್ಲದರಲ್ಲೂ ವಿಭಿನ್ನ ಸಂಯೋಜನೆ ಮತ್ತು ಸರಿಯಾದ ಪ್ರಮಾಣಗಳಲ್ಲಿ ಇರುತ್ತದೆ.
◘ವೈವಿಧ್ಯಮಯ ಪ್ರಮಾಣದಲ್ಲಿ ಗುಣಗಳ ಈ ಸಂಯೋಜನೆಯು ವೈವಿಧ್ಯತೆಗೆ ಕಾರಣವಾಗುತ್ತದೆ. ಕೆಂಪು, ಹಸಿರು ಮತ್ತು ನೀಲಿ ಬಣ್ಣಗಳ ವಿಭಿನ್ನ ಪ್ರಮಾಣಗಳು ಮತ್ತು ಸಂಯೋಜನೆಗಳಲ್ಲಿನ ಮಿಶ್ರಣವು ಅಸಂಖ್ಯಾತ ಇತರ ಬಣ್ಣಗಳಿಗೆ ಹೇಗೆ ಕಾರಣವಾಗಿದೆಯೋ ಹಾಗೆ.
◘ಸತ್ವ ಎಂಬುದು ಜ್ಞಾನ, ಸಮತೋಲನ, ಸಾಮರಸ್ಯ, ಪರಿಶುದ್ಧತೆ, ಸೃಜನಶೀಲತೆ, ಸಕಾರಾತ್ಮಕತೆ, ಶಾಂತಿಯುತತೆ ಮತ್ತು ಸದ್ಗುಣ.
◘ರಜಸ್ ಎಂದರೆ ಉತ್ಸಾಹ, ಚಟುವಟಿಕೆ ಮತ್ತು ಸ್ವಕೇಂದ್ರಿಕತೆ.
◘ತಮಸ್ ಎಂದರೆ ಅಸಮತೋಲನ, ಅಸ್ವಸ್ಥತೆ, ಆತಂಕ, ಮಂದ, ಆಲಸ್ಯ, ಹಿಂಸೆ, ಅಜ್ಞಾನ, ಮುಂದೂಡುವಿಕೆ ಮತ್ತು ಉದಾಸೀನತೆಯ ಗುಣ.
◘ಈ ಮೂರು ಗುಣಗಳ ಸಂಯೋಜನೆಯ ಒಟ್ಟು ಫಲಿತಾಂಶದಿಂದ ಆಗುವ ಪರಿಣಾಮದಿಂದ, ಒಬ್ಬ ವ್ಯಕ್ತಿಯ ಅಥವಾ ವಸ್ತುವಿನ ಗುಣವನ್ನು ನೋಡಲಾಗುತ್ತದೆ. ಆದ್ದರಿಂದ ಗುಣಗಳು ನಮ್ಮ ನಡವಳಿಕೆ ಮತ್ತು ನಂತರದ ಜೀವನ ಸನ್ನಿವೇಶಗಳಲ್ಲಿ ಪ್ರಮುಖ ಅಂಶವಾಗಿದೆ.
◘ಬೆಳಕು ಮಾಯೆಯಿಂದ ಪ್ರಭಾವಿತವಾಗದ ಕಾರಣ, ಇದನ್ನು ನಿರ್ಗುಣ ಎಂದು ಕರೆಯಲಾಗುತ್ತದೆ ಅಂದರೆ ಗುಣವಿಲ್ಲದ ಸ್ಥಿತಿ.
ಏಕತೆ
◘ಏಕತೆ ಎಂದರೆ ವಿಶ್ವದಲ್ಲಿ ಇರುವ ಎಲ್ಲದರ ನಡುವಿನ ಸಂಪರ್ಕ. ಇದು ಆತ್ಮದಿಂದ ಆತ್ಮಕ್ಕೆ, ಹೃದಯದಿಂದ ಹೃದಯಕ್ಕೆಇರುವ ಸಂಪರ್ಕ.
◘ಸೃಷ್ಟಿಯ ವೈವಿದ್ಯತೆಯಲ್ಲಿರುವ ಬೆಳಕನ್ನು ನೋಡುವುದೇ ಏಕತೆ
◘ಜೀವ ಮತ್ತು ನಿರ್ಜೀವ ಎಲ್ಲವೂ ಒಂದೇ ಬೆಳಕಿನಿಂದ ಬಂದಿದೆ ಎಂದು ಅರಿಯುವುದೇ ಏಕತೆ.
◘ಏಕತೆಯಲ್ಲಿ ನಾವು ಮಾಯೆಯನ್ನು ಮೀರಿ ಹೋಗುತ್ತೇವೆ.
◘ಏಕತೆ ವೈವಿಧ್ಯತೆಯಲ್ಲಿ ಏಕತೆಯನ್ನು ತರುತ್ತದೆ.
◘ದೈಹಿಕ, ಮಾನಸಿಕ, ಬೌದ್ಧಿಕ, ಭಾವನಾತ್ಮಕ ಮತ್ತು ಆಧ್ಯಾತ್ಮಿಕ - ಎಲ್ಲಾ ಹಂತಗಳಲ್ಲಿ ಏಕತೆಯು ನಮ್ಮ ಸಾಧನೆಯೊಂದಿಗೆ ಹೊಂದಿಕೊಳ್ಳುತ್ತದೆ. ಈ ಏಕತೆಯು ಯೋಗಕ್ಕೆ ಕಾರಣವಾಗುತ್ತದೆ.
ನಮ್ಮನ್ನು ಅನುಸರಿಸಿ
ಎಲ್ಲಾ ಉಲ್ಲೇಖಗಳನ್ನು ವೀಕ್ಷಿಸಿ ...